Heita Allermooistes!!

My webmeester is op my spoor

Kerm omtrent heeldag in my oor J

“BB, dis tyd vir ‘n nuwe brief;

Jy behandel jou lesers darem vreeslik stief!!”

En ek plak myself neer en begin te skryf

Want dit bly steeds my heerlikste tydverdryf!

Waar was ek laas, wat wou ek vertel?

Wat wou jy graag weet? Hoe sal ek dit stel?

Oja!! Die ‘launch’ het uiteind’lik gebeur!!

My droom is bewaarheid en tyd moet nou leer:

Of ek dit, wat ek glo en hoop, sal bereik

Of als steeds soos maanskyn en rose lyk…

Wat ek wel weet is dat ek op moeder aard’

Niks anders sou wou hê op my lewensvaart!

My dankies is baie – my woorde raak min

Hoe moet ek dit sê - Waar sal ek begin?

Is dit genoeg as ek vir julle wat luister

Net sê dat ek élke aand vir die hemel fluister:

“Dankie!”

Dankie dat julle my cd koop!

Dankie dat julle na my songs luister!

Weet jy hóé ongelooflik heerlik dit is, as ek terugvoer kry oor dié of daai liedjie?

Epos my gerus jou opinie – en laat weet my as die een of ander liedjie met jou praat. Skryf vir my as daar ‘n gedagte in jou kop bly maal wat jy wil verwoord - en jou hart en tong het dalk ‘n kommunikasiegaping – miskien hoor ek iets daarin??

Onthou:

Jy kan uit een boom duisende vuurhoutjies maak, maar met net één vuurhoutjie ‘n hele woud afbrand!

Versigtig dus met 'n woordjie – tread softly with your tongue, Allermooiste – it can truly be your best friend and your greatest enemy.

Be Blessed Allermooistes!!

xx